अखिलेश प्रसाद साह

वीरगंज, माघ २

सशस्त्र प्रहरी बल नेपाल नम्बर १२ गण हेडक्वाटर बाराले बिभिन्न स्थानमा आगो ताप्न दाउराको व्यवस्था गरेको छ । शित लहर बढे संगै सर्व–साधारण व्यक्तिहरुको जीवन कष्टकर बन्दै गएकोले चिसोबाट बच्न सोमबार दाउरा वितरण गरिएको हो । सशस्त्र प्रहरी बल,नेपाल नं.१२गण हे.क्वा.बारा र मातहत प्रस्तावित सीमा सुरक्षा गुल्म, वेश तथा बिओपिहरुको जिम्मेवारी ईलाकामा अन्तर्गतका स्थानिय निकायहरु कलैया , सिम्रौनगढ , निजगढ ,पचरौता , महागढीमाई नगरपालिका, देवताल गाँउपालिकाका विभिन्न स्थानहरुमा दाउरा बाली आगो ताप्ने व्यवस्था मिलाईएको सशस्त्रका प्रहरी निरिक्षक दिपक थापाले जानकारी दिए । दाउरा बितरणले करिव तिन सय परिवार लाभन्वित भएको प्रहरी निरिक्षक थापाले जानकारी दिए ।