माघ ९ 

वीरगंजमा यहि माघ १३ गते पुर्व राजा ज्ञानेन्द्र शाहको नागरिक अभिनन्दन हुने भएको छ ।  स्वागत तथा नागरिक अभिनन्दन मुल समारोह समिति वीरगंजले आज होटल सम्झनामा पत्रकार सम्मेलनको आयोजना गरि सो जानकारी गराएको हो । समितीका संयोजक देवेन्द्र नेपालीले माघ १३ गते हुने नागरिक अभिनन्दन एतिहासिक हुने र बिभिन्न ९ वटा संघ संस्थाहरुले अभिनन्दन गर्ने कार्यक्रम रहेको बताए । नागरिक अभिनन्दन कार्यक्रममा राजाको एक पैसा पनि खर्च नहुने सो कार्यक्रमको लागि बिभिन्न दाताहरुले चन्दा सहयोग गरेको जानकारी दिए । माघ १३ गते हुने कार्यक्रमलाई सफल बनाउन गाँउ गाउँबाट जनताहरुलाई वीरगंज आउन पनि संयोजक नेपालीले आग्रह गरेका छन । पत्रकार सम्मेलनको सहजिकरण पत्रकार संजय सर्राफले गरेका थिए ।