माघ ११

बाराको करैयामाई गाँउपालिका वडा नं. २ करैयामा निः शुल्क आँखा शिबिर सम्पन भएको छ । किरण आँखा अस्पताल बिरगंजको आयोजना र करैयामाई वडा न२ को सहकार्यमा सो शिविर सम्पन्न भएको हो । शिविरमा ६८ जना स्थानीयहरुले आफ्नो आँखाको स्वास्थ्य परिक्षण गराएका थिए । जसमध्ये २१जना बिरामीहरुमा मोतियाबिन्दु देखिएको स्थानिय समाज सेवी ऋषिकेश चौधरीले बताउनु भयो । मोतियाबिन्दु भएका बिरामीहरुको उपचार ५० प्रतिशत छुटमा बिरगंजको किरण आँखा अस्पतालमा हुने आयोजक जानकारी दिएको छ । वडाअध्यक्ष सुरेन्द्र प्रसाद चौधरीको अध्यक्षतामा कार्यक्रम सम्पन्न भएको थियो । शिबिरमा किरण आँखा अस्पताल कलैया शाखा नेत्र चिकित्सक निभा कुशवाहाको नेतृत्वमा बिरामीहरुको आँखा परिक्षण गरिएको थियो । शिबिरमा हेमन्त यादव ,रुपेश कुमार यादवले बिशेष सहयोग गरेका थिए ।े आँखा शिबिरमा निःशुल्क औषधी बितरण र ओपीडी सेवा दिइएको हाम्रा सहकर्मी दिपेन्द्र जयसवालले जानकारी दिए ।