वीरगंज, माघ १३

बारा प्रहरीले २१ लाख ६९ हजार २ सय ३८ रुपैया बराबरको समानसहित ट्रकलाई नियन्त्रणमा लिएको छ । प्रहरीले जितपुर सिमरा उपमहानगरपालिका वडा नम्बर १ पथैलामा चेकजाँच गर्ने क्रममा बिल बिजक भन्दा बढि समान भएको ट्रकलाई नियन्त्रणमा लिएको हो । वीरगंजबाट सर्लाही जादै गरेको ना. ६ ख. ६०४६ नम्बरको ट्रकलाई रोकेर चेकजाँच गर्दा सो ट्रक नियन्त्रणमा लिएको बाराका प्रहरी प्रवक्ता एवम् प्रहरी नायब उपरीक्षक दधिराम न्यौपानेले बताए । नियन्त्रणमा लिइएको ट्रकलाई आवश्यक कारवाहीको लागी आन्तरिक राजश्व कार्यालय पथलैयामा बुझाइएको छ । 

यसैगरी बारा प्रहरीले जितपुर सिमरा वडा नम्बर १४ स्थित घैरघारीमा सात स्थानमा संचालित पाँच वटा अबैध मदिरा भठी नष्ट गरेको छ ।प्रहरीले तयारी मदिरा १०लिटर, कच्चा पदार्थ तिन सय लिटर नष्ट गरेको प्रवक्ता न्यौपानेले बताए ।