माघ १८

बीरगंज महानगरपालिका वडा नम्बर १३ राधेमाई नजिकै रहेको साउथजोन माविको १५ वर्ष पुरा गरि १६ वर्षमा प्रवेश गरेको उपलक्ष्यमा प्रिन्सिपल सरोज प्रसाद चौधरीले केक काटेर खसी साटासाट गर्नुभएको थियो । प्रिन्सिपल चौधरीले हिजो प्याब्सन जुनियर फुटबल प्रतियोगितामा विजेता भएका खेलाडी विद्यार्थीहरुलाई नगदसहित शिल्ड प्रमाणपत्रले सम्मानित गरेको हो । बिधालयको आफ्नो वार्षिकोत्सबको अवसरमा प्रिन्सिपल चौधरीले अहिलेसम्म गुणस्तरीय शिक्षा संगसंगै अतिरिक्त क्रियाकलापमा समेत विद्यार्थीहरुले उत्कृष्ट प्रदर्शन गरेकोमा प्रशंसनीय रहेको बताए । आगामी दिनहरुमा समेत यस्तै प्रगति गर्न विद्यार्थीहरुलाई आग्रह गर्नुभएको छ। जुनियर फुटबलमा बिजयी भएकोमा विद्यार्थीहरु र शिक्षिक,शिक्षिका ,विद्यार्थीहरु आपसमा खुशी साटासाट गर्नुको साथै थप आगामी दिनहरुमा समेत धेरै उपलब्धि गर्नुपर्ने बताएका छन् । कार्यक्रमको सहजिकरण भ्याइस प्रिन्सिपल अशोक संग्रोलाले गर्नुभएको थियो ।