फागुन ३बिरगंज 

लागु औषध चरेश सहित दुई भारतियलाई बारा प्रहरीले नियन्त्रणमा लिएको छ । बुधबार बिहान ११ बजे ईलाका प्रहरी कार्यालय अमलेखगंजबाट खटेको प्रहरीको टोलीले भारतिय नम्बरको गाडि सहित दुई भारतियलाई पक्राउ गरेको हो । प्रहरीले जीतपुर सिमरा उप–महानगरपालिका वडा नं. २१ अमलेखगंजमा चेकजाँच गर्दा युपि ३२ एनएम ४४७६ नम्बरको भारतीय कार सहित ३४ किलो ९६८ गा्रम लागु औषध चरेस नियन्त्रणमा लिएको हो । चरेश संगै गाडि चालक भारत उत्तर प्रदेशका ४२ बर्षका साफिर अली, गाडिमा बस्ने ४४ बर्षका मोहमद अबजाललाई नियन्त्रणमा लिएको प्रहरीले जनाएको छ । पक्राउ परेका भारतीयलाई नियन्त्रणमा लिई लागु औषध मुद्दा दर्ता गरी बारा जिल्ला अदालत, कलैयाबाट दिन ५ (पाँच) म्याद थप गरी थप अनुसन्धान कार्य भई रहेको बारा प्रहरीले जनाएको छ ।