वीरगंज, चैत्र ३

अभिभावक संघ पर्साको आयोजनामा आज वीरगंजमा रक्तदान कार्यक्रम सम्पन्न भएको छ । कार्यक्रममा ४ महिला सहित ६२ जनाले रक्तदान गरेका छन । घण्टाघरमा आयोजित रक्तदान कार्यक्रमा पुजा ढकाल, मनिषा कुमारी झा, पुनम यादव, ओनिका कुमारी, बलिराम चौधरी, सुशिल कुमार साह, बिवेक प्रसाद साह, राहुल सर्राफ, अजित कुमार मण्डल लगायत रक्तदान गरेका थिए । संघका अध्यक्ष सन्दिप साहको अध्यक्षतामा भएको कार्यक्रममा प्रमुख अथिति वीरगञ्ज महानगरपालिकाका पूर्व मेयर बिजय कुमार सरावगी, विशिष्ट अतिथि जिल्ला प्रहरी कार्यालय पर्साका प्रहरी उपरिक्षक एसपी कुमोध ढुंगेल, अतिथिहरु बुद्धिजिवि परिषद् नेपालका मधेश प्रदेश अध्यक्ष शम्भु गुप्ता लगायतको उपस्थिती थियो । रक्तसञ्चार केन्द्र वीरगञ्जमा रगतको अभाव भएपछि होलीको अवसर पारेर कार्यक्रमको आयोजना गरिएको आयोजकले जनाएको छ । कार्यक्रममा शाश्वत बचत तथा ऋण सहकारी संस्था लिमिटेडले सहयोग गरेको छ भने प्राविधिक सहयोग रक्तसंचार केन्द्र वीरगन्जले गरेको थियो ।