सशस्त्र प्रहरी बल पर्साले भन्सार छलीको कपडा सहित दुई जनालाई पक्राउ गरेको छ । बिन्दवासिनी गाँउपालिका वडा नम्बर ३ झौवा नाकाबाट भन्सार छलीका कपडा ल्याउदै गरेको बिशेष सुचनाका आधारमा सशस्त्र प्रहरी बल पर्सा गण नेपालबाट  गएको टोलीले भारतीय मोटरसाईकल र कपडा सहित दुई जनालाई नियन्त्रणमा लिएको हो । बिआर २२ एक्स,५९५६ र बिआर २२ एक्स २८५० नम्बरको भारतीय मोटरसाईकलमा लोड गरि नेपाल तर्फ ल्याउदै गरेका पर्साको बहुदरमाई नगरपालिकाको २९ र ४१ बर्षका दुइ जनालाई नियन्त्रणमा लिएको सशस्त्र प्रहरीले जनाएको छ । नियन्त्रणमा लिएको कपडा ,मोटरसाईकल र दुई जनालाई आवश्यक कारवाहीको लागि वीरगंज भन्सार कार्यालय पर्सामा बुझिइएको सशस्त्र प्रहरीले जनाएको छ ।