बाबाको भेषमा लागु औषध गाँजा लुकाइराखेको अवस्था मा एकजना रौतहटमा पक्राउ परेका छन् । पक्राउ पर्नेमा जिल्ला बारा साविक गाबिस बछनपुर्वा वडा नम्बर ६ घर भई हाल जिल्ला रौतहट फतुवा बिजयपुर नगरपालिका वडा नम्बर ११ भैसही टोल बस्ने प्रमेश्वर हजराका छोरा दयालाल पासवान रहेका छन् ।

प्रहरीका अनुसार शुक्रबार बिहान आफ्नो घरमा लागु औषध गाँजा लुकाई छिपाई राखेको सुचनाको आधारमा खटिएको प्रहरी टोलीले पासवान घर खानतलासी गर्दा लुकाई छिपाई राखेको लागु औषध गाँजा १७ किलो ५ सय ग्राम फेला परेको थियो ।

सो लागु औषध गाँजा सहित पासवानलाई नियन्त्रणमा लिई आवश्यक कारवाहीको लागी ईलाका प्रहरी कार्यालय लक्ष्मिनिया रौतहटमा राखि थप अनुसन्धान कार्य भईरहेको प्रहरीले बताएको छ ।