२० चैत,बारा । बारा प्रहरीले हुण्डीको रकमसहित २ जनालाई पक्राउ गरेको छ ।प्रहरीले विशेष सूचनाको आभारमा १३ लाख ५० हजार रुपैयासहित २ पक्राउ गरेको हो  ।

पक्राउ पर्नेमा पर्सा जिल्लाको पोखरीया नगरपालिका वडा नं.१ बनकटवा बस्ने बर्ष ३४ का हरिकिशोर प्रसाद पटेल र  बाराको माहागढीमाई नगरपालिका वडा नं.१ बस्ने बर्ष ४२ का रमेश प्रसाद कुश्वाहा रहेका छन ।

मधेशप्रदेश २ ०३ ०१६ प २३३७ नं. को मोटरसाईकलमा भारतबाट नेपाल आईरहेको अवस्थामा बिश्रामपुर गाउँपालिका वडा नं.४ मुसहर्वा स्थित सड्कखण्डबाट पटेललाई पक्राउ गरिएको जिल्ला प्रहरी कार्यालय बाराले जनाएको छ ।

उनको साथबाट  बरामद नेपाली रुपैया १३ लाख ५० हजारको स्रोत खुलाउँन नसकेपछि प्रहरीले उनलाई पक्राउ गरेको हो ।उक्त कार्यमा संलग्न रहेको आरोपमा कुश्वाहालाई पक्राउँ गरिएको बारा प्रहरी प्रबक्ता प्रहरी नायब उपरिक्षक दधिराम न्यौपानेले जानकारी दिनुभयो । पक्राउँ परेकाहरुमाथि थप अनुसन्धान भईरहेको  न्यौपानेले बताउँनुभयो