चैत २२ बिरगंज , तरकारीको बोरा भित्र लुकाइ छुपाइ ल्याउदै गरेको ठूलो परिमाणको लागू औषध सहित एक भारतीय युवक पर्साका प्रहरीद्वारा पक्राउ
बाराबाट वीरगन्जतर्फ आउँदै गरेको बीआर ०५ एटी ७३२६ नमबरको मोटरसाइकलमा प्रतिबन्धित लागू औषध सहित एक भारतीय युवक पक्राउ परेको छ । विशेष सुचनाको आधारमा वीरगन्ज महानगरपालिका वडा नम्बर १५ फुलवारी टोलमा प्रहरीले मोटरसाइकल रोकेर चेकजाँच गर्ने क्रममा भारत बिहार मोतिहारी जिल्ला हरपुर २ को २६ बर्षिय राजकरण साह पक्राउ परेको हो । साह सवार रहेको उक्त मोटरसाइकलमा लोड रहेको हरियो तरकारीको बोरा भित्रबाट ठूलो परिमाणमा लागू औषध बरामद भएको पर्साका प्रहरी नायब उपरक्षिक कुमार विक्रम थापाले बताए ।बोराभित्र लुकाएर राखिएको नुरफिन २ सय पिस, डाइजेपाम २ सय पिस र फेनारगन २ सय पिस गरी कूल ६ सय पिस लागू औषध बरामद गरिएको थापाले जानकारी दिए । मोटरसाइकलसहित साहलाई नियन्त्रणमा लिएर उनिविरुद्ध लागू औषध सम्बन्धी कसूरमा थप अनुसन्धान कार्य भैरहेको थापाले बताउनुभयो ।