बीरगंज । पर्सा प्रहरीले २ करोड २० लाख रुपैया बराबरको लत्ताकपडाहरू आवश्यक कारवाहीको लागि गत शुक्रवार बीरगंज भन्सार कार्यालयमा बुझाएको छ ।
प्रहरीले प्रारम्भमा १ करोड २० लाखको लताकपडा भएको अनुमान गरेको थियो । तर आवयक कारवाहीकोलागि बुझाउदा गरिएको मूल्याकंन अनुसार कपडा २ करोड २० लाख बारबर भएको बताइएको छ ।

प्रहरीले बैशाख ६ गते बीरगंजको हनुमानमन्दीरको दक्षीणमा रहेको पमपम बिल्डिङ्गबाट कपडा बरामद गरेको थियो । बीरगंज महानगरपालिका वडा नं २४ का अकाश गुप्ता र रामएकवाल कुशवाहाको गोदाममा छापामारी गरेर कपडा बरामद गरेको थियो ।

गोदामबाट सर्टिङ सुर्टिङ थान कपडा, सर्ट थान कपडा, पाइन्ट थान कपडा, सुती प्रिन्टेड कपडा, ढाकाको थान कपडा, साडी, कुर्ता सुरवाल, मर्दानी धोती, ब्लाउज थान कपडा, चोलो बनाउने थान कपडाहरू बरामद भएको थियो । विशेष सूचनाको पाएपछि प्रहरीले ति गोदाममा छापामारेको थियो ।