पानी पर्ने बितिकै मालपोत कार्यालयको काम बन्द हुन्छ, जेनेरेटर बनाउन मान्दैन कर्मचारीहरु
मालपोत कार्यालय पर्साको गैर जिम्मेवारीका कारण सेवाग्राही मर्कामा परेका छन । काम बिशेषले आउने सेवाग्राही मालपोत कार्यालयको रवैयाका कारण पिडित हुने गरेका छन । सरकारी कार्यालय भएपनि सेवाग्राहीको लागि केहि सुविधा नहुदाँ सेवाग्राही पिडित हुने गरेका छन । मंगलबार दिउँसो परेको एकछिनको बर्षाको कारण कामनै ठप्प पारी मालपोत कार्यालयका कर्मचारी रमिता हेरेर बसे । पानी परेको बेला बिजुली नहुदा मालपोतका कर्मचारीलाई झनै सजिलो हुने गरेको छ । मालपोतमा भएको जेनेरेटर यतिकै थन्केर बसेको छ । कर्मचारी बनाउन मान्दैन । मालपोत कार्यालयमा पानी पर्ने बितिकै सबै काम काज बन्द हुने गरेको एक सेवाग्राहीले बताए ।“जेनेरेटर छ तर चल्दैन ।  कर्मचारी  लाई बस्ने कुर्सी त छ ,  तर सेवा ग्राही लाई बस्ने कुर्सी बेन्ची , छैन ,कर्मचारी लाई त मिनिरल वाटर तर जनता लाई चापाकलको पनि पानी पिउने व्यवस्था समेत  छैन  शौचालय समेत छैन  , जेनेरेटर त छ तर चल्दैन  बति (बिजुली) कटने बितिक्कै यो कार्यालय को सम्पुर्ण काम काज पुर्ण रुपले ठप्प हुने गरेको उनको आरोप छ । उनले यतिका महत्वपुर्ण कार्यालयमा यतिका गैरजिम्मेवारी काम हुदा समेत सरोकारवाला निकाय मौन बसेकोमा आक्रोस पोखे ।