वीरगञ्ज । जिल्ला प्रहरी कार्यालय पर्साले चालू आर्थिक बर्षको बैशाख महिनामा ६ करोड १३ लाख ६८ हजार बराबरको विभिन्न सामान बरामद गरेको छ । जिल्ला प्रहरी कार्यालय मातहत रहेका प्रहरी कार्यालयबाट खटिएको प्रहरी टोलीले विभिन्न स्थानहरूबाट ६ करोड १३ लाख ६८ हजार ४४ रुपैंयाको सामान बरामद गरेको हो । पर्साका प्रहरी उपरिक्षक कुमोद ढुगेंलको सक्रियताले बैशाख महिनामा जिल्लाको विभिन्न ठाउँबाट भन्सार सामान बरामद र मुद्दाका फरार प्रतिवादी पक्राउ गरिएको छ ।
बरामद गरिएका सामानहरु लत्ताकपडा, खुद्रा, किराना, औषधी तथा ईलेक्ट्रोनिक्स सामानहरू रहेको जिल्ला प्रहरी कार्यालय पर्साले जनाएको छ । त्यस्तै फैसला कार्यन्वयन तर्फ १५१ जनाबाट ५ वर्ष २९ दिन कैद बापद १५ लाख ८ हजार ७४२ जरिवाना असुल गराएको छ ।
चालु मुद्दाका फरार प्रतिवादी पक्राउ ११ जना पक्राउ गरेको जिल्ला प्रहरी कार्यालय पर्साले जनाएको छ । त्यसैगरी नक्कली नोट १ लाख २३ हजार, हुण्डी कारोवारी ३ जना पक्राउ गरी उनीहरुको साथबाट ३५ लाख २० हजार सातसय नगद पनि बरामद गरेको छ । यो महिनामा ४२ वटा चोरी भएको मोबाईल फेला पारी सम्बन्धितधनीलाई बुझाइएको पनि प्रहरीले जनाएको छ ।
हातहतियार खरखजानातर्फ एउटा अमेरिकन पेस्तोल पनि बरामद गरेको छ । प्रतिबन्धित लागु औषधतर्फ १५ केजी गाँजा, ५७.४५ ग्राम खैरो हिरोईन, कोरेक्सः–६७ बोत्तल, नाइट्राभेट ७९९ पिस, फेनारगन ३० एम्पुल, डाइजेल्याब ३३ एम्पुल र नुरफिन ३३ एम्पुल बरामद गरेको पर्सा प्रहरीको तथ्यांकमा उल्लेख गरिएको छ ।