स्वास्थ्य क्षेत्रमा जनताको सर्बसुलभ पहुँचकोलागि आजदेखि एम्बुलेन्स सेवा सन्चालनमा ल्याएको पटेर्वा सुगौली गाउँपालिकाका अध्यक्ष दिनेश चौधरीले बताए । बिगतमा एम्बुलेन्स सेवा नहँुदा जनतामा पर्न गएको असुबिधालाई ध्यानमा राखेर एम्बुलेन्स सेवा सञ्चालनमा ल्याउने निर्णय अनुसार आजदेखि सञ्चालनमा ल्याईएको उनले जनाए ।

पालिकाको एम्बुलेन्स सेवाको न्युनतम दर रेट र लक्षित बर्ग र समुदायलाई निशुल्क गर्ने अब बस्ने कार्यपालिकाको बैठकबाट गरिने पनि बताए । आजबाट सञ्चालनमा ल्याईएको एम्बुलेन्स सेवाको गाउँपालिका प्रमुख दिनेश चौधरी, उपप्रमुख ममता चौधरीले धार्मिक विधि अनुसार पूजा गरेका छन् । कार्यक्रममा वडा नम्बर २ का वडा अध्यक्ष विजय गैरे लगायतका पालिका सदस्यहरुको पनि उपस्थिति रहेको थियो ।