ट्राफिक प्रहरी कार्यलय पर्साले ट्राफिक नियम बारे जनचेतनामूलक कार्यक्रम सम्पन्न गरिएको छ । पर्सा जिल्लामा रहेको अस्थायी ट्राफिक प्रहरी पोस्टहरुले आज शानिबार जनचेतनामूलक कार्यक्रम गरेको हो ।जिल्लाको बिभिन्न ठाउँमा भएको कार्यक्रममा ट्राफिक प्रहरीले यात्रु र चालकहरुलाई ट्राफिक नियमबारे जानकारी गराएको थियो ।

उनीहरुले सवारीमा यात्रा गर्दा यात्रुले पालना गर्नुपर्ने नियम र सवारी चलाउँदा चालकले पालना गर्नुपर्ने नियमबारे पनि जानकारी गराएका थिए । कार्यक्रममा ट्राफिक नियम पालना गर्न, सवारीसाधनको अवस्था बारे पूर्व जानकारी राख्न, तोकिएको निश्चित स्थानमा मात्र बाटो काट्ने र तिव्र गतिमा सवारी नचलाउन चालकहरुलाई अनुरोध समेत गरिएको थियो ।

ट्रफिक प्रहरी निरिक्षक भास्कर खतिवडाले कार्यक्रममा ट्राफिक नियम पालना बारेमा सहभागिहरुलाई जानकारी गराएको बताए ।