वीरगञ्जको पिपरामठस्थित विश्व हिन्दु संस्कृत विद्यापीठ विद्यालयको भौतिक पूर्वाधार पुर्न निर्माण र स्तरोन्नत्तीका लागि नेको इन्स्योरेन्सले एक लाख रुपैयाँ आर्थिक सहयोग गरेको छ ।

विद्यालयको भौतिक पूर्वाधार पुर्न निर्माण र स्तरोन्नत्तीमा लागेको राउन्ड टेबल नेपाललाई नेको इन्स्योरेन्सले १ लाख रुपैयाँ आर्थिक सहयोग गरेको हो ।

नेको इन्स्योरेन्सका वीरगञ्ज शाखाका प्रमुख विक्रम आलेले राउन्ड टेबल नेपालको टेबल ८ का अध्यक्ष आकाश सर्राफलाई एक लाख रुपैयाँको चेक प्रदान गरेका छन् ।

आर्थिक सहयोगका लागि नेको इन्स्योरेन्सलाई आभार प्रकट गर्दै अध्यक्ष सर्राफले रकम विद्यालयको भौतिक पूर्वाधार निर्माण र स्तरोन्नत्तीमा खर्च गरिने बताए ।