बिहीबार राति आएको हावाहुरी सहितको वर्षाले पर्सामा एकजनाको मृत्यु भएको छ भने १० जना घाईते भएका छन् ।

पर्साको विन्दबासिनी गाँउपालिका वडा नम्बर २ गर्दौलमा हावाहुरीले उडाएर ल्याएको जस्ताले चोट लागेर १०७ बर्षीय बृद्ध गुदेरी साहको मृत्युु भएको हो ।

पर्साका प्रहरी नायब उपरीक्षक केशर न्यौपानेका अनुसार बिहीबार बेलुका आफ्नै घरको पिढीमा बसिरहेका बेला साह हुरीले छिमेकीको घरको छानाबाट उडाएर ल्याएको जस्तापाताले लागेर गम्भीर घाइते भएका थिए ।

घाइते साहलाई उपचारका लागि बाराको नौतनस्थित एलएस न्युरो हस्पिटलमा ल्याउने क्रममा बाटोमै मृत्युु भएको प्रहरी नायब उपरीक्षक न्यौपानेले जानकारी दिनुभयो । यस्तै बहुदरमाई नगरपालिकामा पनि हवाहुरीले क्षति पु¥याएको छ ।

हावाहुरीले वडा नम्बर ५ बर्वा टोलमा रहेको एक घरको छानो खसेको छ । छानोमा च्यापिएर ९ जना घाइते भएका छन् । यसबारे प्रहरीलाई जानकारी नहरेको बथताएको छ । यस्तै वडा नम्बर ७ भौराटारमा रहेको एनसेलको टावर ढलेको छ ।

प्रहरीलाई प्राप्त विवरण अनुसार एनसेलको टावर ढलेर च्यापिदा एक पुरुष गम्भीर घाइते पनि भएका छन् । उनको पहिचान भने खुलेको छैन । उनलाई उपचारका लागि वीरगन्जको नारायणी अस्पतालमा ल्याईएको प्रहरी नायब उपरीक्षक न्यौपानेले जानकारी दिनुभयो ।

गएरातिको हावाहुरीले पर्सा जिल्लामा पु¥याएको क्षतिको विवरण संकलन गर्ने काम भईरहेको न्यौपानेले जानकारी दिनुभयो । यस्तै रौतहटमा विद्युतिय पोल ढलेको छ । चन्द्रनिगाहपुरमा हावाहुरीले बिद्युत पोल ढलेको प्रहरीले जनाएको छ ।