वीरगन्ज महानगरपालिका वडा नम्बर १० मा शनिबार आयोजित रक्तदान कार्यक्रममा ७५ जनाले रगत दान गरेका छन् ।घडिअर्वा स्पोर्टस् क्लबको सहयोगमा वडा नम्बर १० को वडा समिति कार्यालयले आयोजना गरेको रक्तदान कार्यक्रममा ४ महिलासहित ७५ जनाले रगत दान गरेका हुन्।

वडा कार्यालय परिसरमै भएको रक्तदान कार्यक्रममा वडाध्यक्ष सुशील साह कानु, वडा सदस्य सन्तोष जैसी,वडा सचिव पवन प्रधान,लक्ष्मी शर्मा, सन्तोषी देवी,इन्दुशोभा श्रेष्ठ ,रन्जु गिरी, आकाश अधिकारी ,सन्तोष गुप्ता,लखनलाल साह कानु,सन्तोष कुमार साह,सुनिल दास लगायतले रगत दान गरेको रक्तसञ्चार केन्द्र वीरगन्जले जनाएको छ।

यसअघि वडाध्यक्ष कानु आफैंले रगत दान गरेर रक्तदान कार्यक्रमको शुभारम्भ गरेका थिए।

वडाध्यक्ष कानुको प्रमुख आतिथ्यतामा भएको रक्तदान कार्यक्रममा घडिअर्वा स्पोर्टस् क्लबका अध्यक्ष सन्तोष साह,सचिव सन्तोष गुप्ता, घडिअर्वा छठपूजा व्यवस्थापन समितिका सचिव लखनलाल साह कानु लगायतकोपनि उपस्थिति थियो।