वीरगञ्ज महानगरपालिकाको वडा नम्बर ११ नेशनल ट्रेडिङ्ग स्थित  रहेको एक गोदामबाट प्रहरीले करीव दुई लाख ५० हजार बराबरको मोटर्स पार्टस बरामद गरेको छ । 
शनिवार बिषेश सुचनाको आधारमा वडा प्रहरी कार्यालय श्रीपुरका प्रमुख प्रहरी निरीक्षक र्धमजंग थिंगको कमाण्डमा खटिएको टोलीले सो मोटर्स पार्टस (रिङ्ग पिस्टोन) बरामद गरेको हो । 
प्रहरीका अनुसार भन्सार छल्ली गरी ल्याईएको मोटर्स पार्टसको बिलविजक नभेटिए पछि गोदाममा छापा मारी गरी बरामद गरिएको हो । 
गोदामबाट बरामद गरिएको सामान वडा प्रहरी कार्यालय श्रीपुरमा लगिएको हो र भोली थप अनुसन्धानको लागी राजस्व अनुसंधान कार्यालय पथलैयामा पठाउने प्रहरीले जनाएको छ ।