३० जेठ, वीरगञ्ज । पर्साको वीरगञ्जबाट सशस्त्र प्रहरीले स्रोत नखुलेको रकम सहित एकजनालाई पक्राउ गरेको छ ।पर्साको वीरगञ्ज महानगरपालिका वाड नं.१६ भन्सार मेनगेट ईलाकामा प्रस्तावित सीमा सुरक्षा गुल्म वीरगञ्जबाट खटीएको टोलीले भारतको रक्सौलबाट वीरगञ्जतर्फ आउदै गरेका एकजनालाई स्रोत नखुलेको ६ लाख रूपैया सहित पक्राउ गरेको हो । भारतको रक्सोलबाट बि.आ.र.०६ एआर ९४११  नम्बर को मोटरसाइकलमा आएका तथा उक्त मोटरसाइकलमा सवार ब्यक्तिलाई चेकजाँच गर्दा हेल्मेट भित्र लुकाई ल्याएको ६ लाख श्रोत नखुलेको नेपाली रुपैयाँ फेला परेको सशस्त्र प्रहरी नम्बर १३ गण हेडक्वाटर पर्साले जनाएको छ । नेपाली रूपैयाँ र मोटरसाइकल सहित नियन्त्रणमा लिएका उनलाई आवश्यक कार्वाहिको लागि बिरगंज भन्सार कार्यालयमा बुझाईएको सशस्त्र प्रहरीले जनाएको छ ।