वीरगञ्जबाट प्रहरीले लागू औषध खैरो हिरोइन सहित एक जनालाई पक्राउ गरेको छ।
वडा प्रहरी कार्यालय श्रीपुरका प्रहरी बरिष्ठ नायब निरीक्षक सुनिल थापाको कमान्डमा खटिएको टोलीले वीरगञ्जको बसपार्क क्षेत्रबाट लागू औषध खैरो हिरोइन सहित एक जनालाई पक्राउ गरेको हो ।

पक्राउ पर्नेमा भारतको ग्राम लाला छपरा, औरैया, आदापुर, पुर्बी चम्पारण बिहार बस्ने मोहम्मद नेजमुदिन मिया रहेको प्रहरीले जनाएको छ ।

विशेष सूचानाको आधारमा प्रहरीले चेकजाँच गर्दा मियाँले  चलाएको बिर।०५।ए।वाइ १३४६ नबरको कारको  सिट पछाडी लुकाई ल्याएको १०० ग्राम खैरो हिरोइन सहित पक्राउ गरेको प्रहरी निरीक्षक थापाले बताए ।

पक्राउ परेका मिया माथि अनुसन्धान  भइरहेको प्रहरीले जनाएको छ ।