आपँको सिजन शुरु भए संगै बढि मुनाफा खाने उदेश्यले व्यवपारिहरुले कावाईड हालेको आप बेच्न शुरु गरेका छन । पर्सा ,बारा ,रौतहट,सर्लाही लगायत मधेशका जिल्लाहरुमा अहिले रसायन हालेको आप बिक्रि भईरहेको छ । वीरगंजको बजारमा स्वास्थ्यका लागि हानिकारक रासायनिक पदार्थ ९कार्वाइड० हालेर पकाइएको आँप छ्यापछ्याप्ती बिक्री भईरहदा समेत सरोकारवाल निकाय मौन बसेका छन । मानव स्वास्थ्यका लागि हानिकारक रासायनिक पदार्थ ९कार्वाइड० हालेर पकाइएको आँप यहाँको प्रत्येक बजारमा खुलेआम बिक्री वितरण भइरहेको हो।

सरोकारवाला निकायले बेवास्ता गर्दा मधेशका जिल्लाको वीरगंज, कलैया,जितपुर,लालबन्दी,जनकपुर लगायतका प्रत्येक बजारमा समयअगावै औषधि हालेर पकाइएको आँप व्यापारीले महँगो मूल्यमा बिक्री गरिरहेका छन्।

यसरी विभिन्न विषादी प्रयोग गरेर पकाइएका आँप स्वास्थ्यका लागि हानिकारक हुने भएकोले खरिद नगर्न तथा खानसमेत नहुने स्वास्थ्यकर्मीहरू बताउँछन्।

चन्द्रनिगाहपुर चोकको विभिन्न घुम्ती पसलमा बिक्रीका लागि विषादी प्रयोग गरिएका आँप राखिएका छन्। आँपमा विषादी हालेर पकाइने गरेकोले सावधानी अपनाउन पनि स्वास्थ्यकर्मीहरुको सुझाव छ।

रसायन हालेर पकाएको आँप खाँदा मानिसलाई रिङ्गटा लाग्ने, वाकवाकी आउने, पेट पोल्ने र झाडापखाला हुने तथा शरीरमा विभिन्न समस्या आउन सक्ने चिकित्सक बताउछन । 

विभिन्न किसिमका विषादी प्रयोग गरी पकाएको आँपलगायत अन्य फलफूल सेवन गर्दा स्वास्थ्य बिग्रने उनको भनाइ छ। जिल्लाको चन्द्रनिगाहपुर, गरुडा तथा गौर क्षेत्रमा कार्बाइड अत्यधिक प्रयोग गरिएको आँप निर्बाध बिक्री वितरण गरिएको भए पनि त्यसको रोकथामतर्फ हालसम्म स्थानीय तह तथा प्रशासनले कुनै पहल नगरेको उपभोक्ता हित संरक्षण मञ्च रौतहटका अध्यक्ष टीका घिमिरेले बताए।

उनले मानव स्वास्थ्यमा खेलबाड हुने गरी विषादी प्रयोग गरिएको आँप बिक्री वितरण तुरुन्त रोक्न पनि माग गरेका छन्।

चिकित्सकहरुले विषादी प्रयोग गरेको आँप खाँदा दीर्घकालीन रुपमा मानसिक रोग, टाउको दुख्ने, अनिद्रा, स्मरण शक्तिमा ह्रास, मस्तिष्क, आँखा र मिर्गौलामा असर पर्न सक्ने भन्दै सचेत गराउँदै आएका छन्।