राकेश साह
आमसंचारकर्मीहरुको क्षमता अभिवृद्धिको लागि वीरगंजमा आज देखि तिनदिने तालिम शुरु भएको छ । वीरगंज महानगरको आर्थिक सहयोग  र मधेश खबर मल्टिमिडिया प्रा.लि.को आयोजनामा  तालिम शुरु भएको हो । 
 वीरगंज गेटवे होटलमा शुरु तालिमको उद्घाटन वीरगंजका मेयर राजेशमान सिंहले गरेका थिए । कार्यक्रमलाई सम्बोधन गर्दै प्रमुख अतिथी समेत रहेका मेयर सिंहले तथ्यमा अधारित पत्रकारिता गर्न सुझाव दिए । उनले  आलोचना संगै वीरगंज महानगरले गरेका राम्रा कामको बारेमा पनि कलम चलाई दिन वीरगंजका पत्रकारहरुलाई अनुरोध गरे ।  पछिल्लो समय पत्रकारिता क्षेत्रमा विकृति बढेको भन्दै मेयर सिंहले त्यसता पत्रकारिताले समाजमा द्धन्द सृजना हुने दावी गरे । मेयर सिंहले स्वच्छ र भयरहित वातावरणमा कलम चलाउन पत्रकारहरुलाई आग्रह गरे । 
यसैगरी वरिष्ठ पत्रकार चन्दकिसोर झाले पत्रकार सृजनशिल भए मात्र पत्रकारिता क्षेत्रमा टिक्न सक्ने दावी गरे । पत्रकारिता बिषय आफैमा संवेदशिल बिषय भएकोले यसलाई हल्का रुपमा नलिन आग्रह गरे । उनले सत्य र तथ्यमा आधारित पत्रकारिता गर्न तालिममा सहभागिहरुलाई आग्रह गरे । 
कार्यक्रममा नेपाल पत्रकार महासंघका पर्साका अध्यक्ष अनुप तिवारी,जसपाका नेता प्रेम पटेल,नवराज शर्मा लगायतको उपस्थिती रहेको थियो । संस्थाका अध्यक्ष क्रान्ति साहको अध्यक्षतामा सम्पन्न उद्घाटन कार्यक्रममा स्वागत मन्तव्य माधुरी महतोले गरेकि थिईन भने सहजीकरण श्याम सर्राफले गरेका थिए । तालिममा बिभिन्न संचारगृहमा काम गर्ने करिव ३५ जना पत्रकारहरुको उपस्थिती थियो ।