सशस्त्र प्रहरी पर्साले आज करीव ३ लाख मुल्य बराबरको कुखुराको चल्ला नष्ट गरेको छ ।
सशस्त्र प्रहरी बल नेपाल नम्बर १३ गणले सो कुखुराको चल्ला नष्ट गरेएको हो । 
शुक्रवार बिशेष सुचनाको अधारमा खटिएको सशस्त्र प्रहरी टोलीले बिरगञ्ज महानगरपालिकाको वडा नम्बर १९ बार्वा स्थित बिन्दवाशिनी मन्दिरको अगाडी भारतबाट अवैध रुपमा लुकाई छिपाई साईकलको माध्यमले नेपाल तर्फ ल्याउदैं गरेको अवस्थामा करिव ३ हजार पिस बोवाईर कुखुराको चल्ला नियन्त्रणमा लिएको सशस्त्र प्रहरीका प्रवक्ता देवेन्द्र ंिसंहले जानकारी दिए । नियन्त्रणमा लिएको कुखुराको चल्लाको अनुमानित मुल्य करिव ३ लाख बराबर रहेको उनले बताएका छन । 
नियन्त्रणमा लिएको कुखुराको चल्लालाई थप अनुसंधान गरी गण कै परिसर भित्र खाली ठाँउमा खाल्डो खनेर नष्ट गरिएको हो । 
सो अवसरमा सशस्त्र प्रहरीका प्रवक्ता सिंह, पशु सेवा कोरेन्टाईन पर्साका प्रतिनिधी, लगायत संचारकर्मीहरुको उपस्थिती रहेको थियो ।