सशस्त्र प्रहरी पर्साले बिलविजक बिनाको सामान बोकेको ट्रक नियन्त्रणमा लिएको छ । 
बिरगंज महानगरपालिकाको वडा नम्बर १० आदर्शनगरबाट सो ट्रक सशस्त्र प्रहरीले नियन्त्रणमा लिएको हो । 
बिशेष सुचनाको अधारमा सशस्त्र प्रहरी सिमा सुरक्षा गुल्म बिरगंजबाट खटिएको प्रहरी टोलीले आदर्शनगरबाट पावरहाउस तर्फ जांदै गरेको ना ४ ख ३७५९ नम्बरको ट्रक(कन्टेनर) चेक जाँच गर्दा बिलबिजक (भिसिटिएस) बिना समान बोकेको ट्रक नियन्त्रणमा लिएको सशस्त्र प्रहरीका प्रवक्ता देवेन्द्र सिंहले जानकारी दिए । उनका अनुसार ट्रकमा भन्सार दाखिला मुल्य ५,८६,५०० बराबरको प्याज ५० बोरा (प्रतिबोरा ४८ केजि), चिनि २२ बोरा (प्रति बोरा ५० केजि) र ५३ वटा साईकल सशस्त्र प्रहरीले नियन्त्रणमा लिएको हो ।
नियन्त्रणमा लिएको उक्त सामान सहित ट्रकलाई आवश्यक कारवाहीको लागि विरगंज भन्सार कार्यालय पर्सामा बुझाएको प्रवक्ता सिंहले बताएका छन ।