असार २४, वीरगंज ।
राष्ट्रिय वृक्षारोपण दिवस २०८१ को अवसरमा लायन्स क्लब अफ वीरगंज सेस्मी एकेडेमी र लायन्स क्लब अफ वीरगंज विजयपथको संयुक्त आयोजनामा आज वीरगंजको वडा नं ३ प्रगतिनगर स्थित सेस्मी इन्टरनेशनल स्कुल परिसरमा वृक्षारोपण गरिएको छ ।
वृक्षारोपण कार्यक्रमकी प्रमुख अतिथि लायन्स क्लब इन्टरनेशनल डिष्ट्रिक्ट ३२५ एसकी नवनिर्वाचित डिष्ट्रिक्ट गभर्नर लायन तासी डोल्मा तुम्बाहाम्फेले वृक्षारोपण गरी कार्यक्रमको शुभारम्भ गर्नुभएको थियो ।
वृक्षारोपण कार्यक्रममा बिभिन्न जातका १५० बिरुवा रोपिएको छ ।
सेस्मी इन्टरनेशनल स्कुलकी प्रधानाध्यापिका लायन आश्मा सिंह यादवको अध्यक्षतामा भएको वृक्षारोपण कार्यक्रममा लायन्स क्लब इन्टरनेशनल डिष्ट्रिक्ट ३२५ एसका निवर्तमान डिष्ट्रिक्ट गभर्नर लायन डि।एन।अग्रवाल, क्याबिनेट सेक्रेटरी लायन गौरीदेवी चिमरिया, सेकेन्ड भाईस डिष्ट्रिक्ट गभर्नर लायन रामबिहारी पाण्डे, डिष्ट्रिक्ट एक्ज्युकेटिभ चिफ लायन बासु तिमिल्सिना, डिष्ट्रिक्ट चिफ लायन उमेश शर्मा, डिष्ट्रिक्ट को–चिफ एडभाइजर लायन उमेश साह कानु, एरिया चिफ लायन श्याम गुप्ता, एरिया सेक्रेटरी लायन बिनित जैसवाल, जोन चेयरपर्सन लायन सलमा खातुन, लायन्स क्लब अफ वीरगंज परिवारका अध्यक्ष लायन भानुभक्त अधिकारी, प्रथम उपाध्यक्ष लायन नरोत्तम पाण्डे लगायत विद्यालयका शिक्षक, शिक्षिका एवं विद्यार्थीहरुको उल्लेख्य सहभागिता रहेको थियो ।