समुदाय प्रहरी साझेदारी कार्यक्रम अन्तर्गत आज वीरगंज २३ प्रसौनी बिर्तामा रहेको माउन्ट हर्मन माध्यमिक बिद्यालयमा स्वास्थ्य शिविर तथा  जनचेतनामुलक कार्यक्रम सम्पन्न भएको छ । सामुदायिक सेवा केन्द्र तथा सामुदायिक प्रहरी सेवा केन्द्र मुर्ली श्रीपुर ११ को आयोजनामा  निशुल्क आँख तथा दन्त शिविर सम्पन्न भएको हो । स्वास्थ्य शिविर संगै कक्षा ९ र १०मा अध्ययनरत बिद्यार्थीहरुलाई लागुऔषध बारे पनि प्रशिक्षण दिइएको थियो । कार्यक्रममा सई सवपनिल सापकोटाले  विद्यार्थीहरुलाई लागू औषध तथा साइबर क्राइम बारे प्रशिक्षण दिएका थिए । 

सामुदायिक सेवा केन्द्रका सचिव दिलिप प्रधानको अध्यक्षता तथा बीरगंज महानगरपालिका वडा नम्बर २३ प्रसौनी विर्ताका वडा अध्यक्ष अवध किशोर कुशवाहाको प्रमुख आतिथ्यमा सो कार्यक्रम सम्पन्न भएको थियो ।  
शिविरको उदघाटन समारोहमा वडा अध्यक्ष कुशवाहाले   सामुदायिक सेवा केन्द्रले आफ्नो वडामा आएर आँखा तथा दन्त शिविरको आयोजना गरेर सहयोग पुराउने काम गरेकोमा धन्यवाद दिनुहुँदै आगामी दिनहरुमा पनि यस्ता कार्यक्रम आयोजना गर्न अपिल गर्नुभएको छ।  कुशवहाले पहिला एसपी गंगापन्त तथा वडा वडा प्रहरी कार्यालय श्रीपुरका  प्रहरी निरिक्षक चक्रबहादुर मल्ल रहेको बेला हरेक शनिबार प्रहरी र स्थानीय बासिन्दा बीच विभिन्न कार्यक्रम आयोजना गर्ने गरेकोमा अहिले आएर यस्ता कार्यक्रम बन्द भएकोमा पुनः सामुदायिक सेवा केन्द्रले आफ्नो वडा तथा माउन्ट हर्मन माविका विद्यार्थीहरुको आँखा तथा दन्त शिविर गरेकोमा खुशी ब्यक्त गरे
कार्यक्रममा माउन्ट हर्मन माविका डाइरेक्टर तथा प्रिन्सिपल सन्तोष प्रसाद साहले सामुदायिक सेवा केन्द्रले यस्ता सामाजिक कार्य जस्तो आँखा तथा दन्त शिविर आयोजना गरेर विद्यार्थी तथा अभिभावक र स्थानीय बासिन्दाहरुलाई अवसर प्रदान गरेकोमा धन्यवाद दिनुभयो ।
 उहाँले ग्रामिण भेगमा यस्ता कार्यक्रम आयोजना गर्ने संस्थाहरु कम आउने गरेको गुनासो राख्नु भएको थियो ।  प्रिन्सिपल साहले भने हामीलाई यो कार्यक्रममा सहभागी गराउने अवसरमा जुटाउने पत्रकार जगत राईलाई विशेष धन्यवाद समेत दिनुभएको छ। 
कार्यक्रममा वडा प्रहरी कार्यालय श्रीपुर प्रनानी गोरख बहादुर शाही ,वरिष्ठ उपाध्यक्ष जयालाल साह,आवाज एफएमका पत्रकार राकेश साह,सइ स्वपनील सापकोटा ,शिक्षक रामेश्वर यादव ,प्रविन प्रसाद साह,शिक्षिका रजनी यादव ,शान्ति सिंह देवी ,कल्पना गिरिनिलम दन्त ,मधु सिंह ,अनु बर्णवाल,प्रमिला शाही ,रुपमा राणा , विद्यार्थी तथा अभिभावक स्थानीय बासिन्दाहरुको सहभागी रहेको थियो ।दन्त शिविरमा कमला डेन्टल क्लिनिकका डाक्टर राहुल गुप्ताले चेकजाँच गरिरहनु भएको छ भने आँखा शिविरमा माट्रिका आइ फाउन्डेसनका सिवानी चौरसिया तथा राजेश चौरसियाले चेकजाँच गरिरहनु भएको छ।कक्षा १ देखि १२ कक्षा सम्मका विद्यार्थीहरुको आँखा तथा दन्त शिविरमा सहभागी रहेको प्रिन्सिपल सन्तोष प्रसाद साहले जानकारी दिनुभएको छ।कार्यक्रममा स्वागत मनतब्य राधा शर्माले गरेकी थिइन् भने सहजिकरण पत्रकार जगत राईले गर्नुभएको थियो ।