बारा प्रहरीले ६७ लाख मुल्य बराबरको अबैध समान सहित एउट ट्रक नियन्त्रण लिएको छ ।मंगलबार प्रहरीले बिहान ११ः ३० बजे जितपुरसिमरा वडा नम्बर २१ बट सो समान सहित ट्रक नियन्त्रणमा लिएको हो । वीरगंजबाट काठमाडौं जादै गरेको ना ६ ख ४९४० नं. को डिब्बा ट्रकमा लोड गरिएका करिब ६४,५६,२४२÷– रूपैया बराबरको  समान नियन्त्रणमा लिएको छ । 
यसैगरी मंगलबारनै प्रहरीले जितपुर सिमरा वडा नम्बर २१ अमलेखगंजबाट करिव सवा लाख मुल्य बरामको समान नियन्त्रण लिएको छ । प्रहरीले बीरगंजबाट काठमडौं तर्फ जाँदै गरेको ना ६ ख ७०३६ नम्बरको यात्रु बाहक बसमा लोड फेसवास  करिव सवा लाख मुल्य बराबरको २३० पिस नियन्त्रण लिएको छ । 
यसैगरी प्रहरी चौकी मुसहर्वा बाराले  आज दिउँसो दुईवटा गाई सहित ८ वटा बाछा नियन्त्रणमा लिएको छ । बिश्रामपुर गाँउपालिका वडा नम्बर १० निलकण्ठवा स्थित नेपालबाट भारत लैजादै गरेको अवस्थामा दुई वटा गाई सहित ८ वटा बछा नियन्त्रणमा लिएको हो । नियन्त्रणमा लिएको गाई र बाछा  एक लाख ३०हजार मुल्य बराबरको रहेको प्रहरीले जनाएको छ ।  नियन्त्रणमा लिएको ट्रक र गाई आवश्यक कारवाहीको लागि प्रक्रिया अगाढि बढाइएको जिल्ला प्रहरी कार्यालय बाराका सुचना अधिकारी दधिराम न्यौपानेले जानकारी दिनुभयो ।