वीरगञ्ज । वीरगञ्ज महानगरपालिका वडा नं १६ बाईसपास स्थित माईदिया पोखरी नजिक रहेको शिव मंदिर जिर्ण बन्दै गएको छ । शिव मंदिरको संरचना पुरानो भएको कारण र केहि दिन देखी लगातारको वर्षाले गर्दा मंदिर जिर्ण अवस्थामा पुगेको छ  ।

 श्रावण महिनामा पुजाआजा गर्न आउने स्थानीहरुलाई गतवर्ष देखि नै समस्या भाेगिरहनु परेकाे छ । मानिसहरुको धार्मिक आस्थाको केन्द्रको रुपमा रहेको यो मन्दिरको संरक्षणमा सरोकारवाला पक्षको ध्यान जानसकेकाे छैन  । मन्दिरमा लगाइएको पर्खाल भत्किएका छन् । मन्दिरकाे पर्खाल भत्किएको कारण आसपासमा चरण क्षेत्र भएकोले यहाँ गाईबस्तु  छिरने गरेकाे र पानी समेत मन्दिरभित्र जम्ने गरेकाे स्थानीयहरूकाे भनाइ छ ।

स्थानीय तथा पुजा गर्न आउने भक्तजनहरूले वडा र वीरगञ्ज महानगरपालिकामा समेत यसको पुर्णनिमार्णको लागी पटकपटक  भन्दै आएको स्थानीय नितेश कुमार वर्णवालले बताए । 

उनका अनुसार मंदिर छेउमा रहेको पोखरी निमार्णको कार्य भईरहदा पनि वडा अध्यक्ष तथा मेयरको ध्यान केन्दीत नभएको बताए । अहिले श्रावण  महिना सुरू भएसंगै पुजाआजाको लागी स्थानीय भक्तजन आउने गरकोले मंदिरको संरचना मर्मत गर्नु पर्ने हुन्छ । लामो समय देखि उक्त मंदिरको संरचनामा स्थानीय सरकारले ध्यान नदिएको कारण मंदिरको अवस्था झनै जर जर अवस्थामा पुगेको छ यश बिषयमा सम्बन्धित सबैकाे ध्यान जान आवश्यक छ ।