सशस्त्र प्रहरी भन्सार पर्साले शुक्रबार  वीरगंजमा संचालित दिल्ली पब्लिक स्कुल (डि.पी.एस.)को बसबाट भन्सार छलीका समान बरामद गरेको छ  । स्कुलको प्रदेश २ –०३–१११ क– ११६ नम्बरको रुट ३ मा चल्ने बसबाट भन्सार छलीका अवैध समान बरामद गरेको हो । बिशेष सुचनाको आधारमा  रक्सौलबाट विद्यार्थी पु¥याई वीरगंज आउदै गरेको सो बसबाट कपडा ४ पोका,मोबिल ३ जार र एयर फिल्टर १ थान बरामद गरेको सशस्त्र प्रहरीले जनाएको छ । बस चालक किसोरी राम र सह चालक दिपक गिरी सशस्त्र प्रहरीको नियन्त्रणमा रहेका छन । बरामद समान र स्कुल बसबारे थप अनुसन्धान भईरहेको सशस्त्र प्रहरीले बताएको छ । दिल्ली पब्लिक स्कुल हरेक दिन रक्सौलका बिद्यार्थीहरुलाई पु¥याउने जाने गरेका र उता बाट फर्किदा त्यसमा अवैध समान ल्याउने गरेको बिशेष सुराकीको आधारमा सशस्त्रले आज बेलुका बसलाई चेकजाँच गरेको थियो । सो चेकजाँचको क्रममा भन्सार छलीका समान फेला परेपछि सशस्त्र प्रहरीले बस र चालक ,सहचालकलाई नियन्त्रणमा लिई अनुसन्धान गरिरहेको छ ।  बरामद गरिएको समानको बिस्तृत जानकारी आउन बाँकी रहेको प्रहरीले जनाएको छ ।