७ साउन,वीरगञ्ज । नेपाल पत्रकार महासंघ मधेश प्रदेशका महासचिव श्याम बन्जारा चढेको गाडी दुर्घटनामा परेको छ ।  महासंघ प्रदेशका महासचिव बन्जारा चढेको गाडी आज दिउँसो सिमरामा दुर्घटनामा परेको हो । 
सिमराबाट बीरगन्जतर्फ आउँदै गरेको प्रदेश ३–०१–०२४ छ १८६५ नम्बरको गाडीलाई सोही दिशाबाट बीरगन्जतर्फ आउँदै गरेको मालबाहक ट्रकले ठक्कर दिदाँ दुर्घटना भएको हो ।  
दुर्घटनामा परी पत्रकार बन्जारसहित उनको श्रीमती पनि घाइते भएकी पत्रकार केसी लामिछानेले बताए । घाइते दुबै जनाको बीरगन्जस्थित हेल्थ केयरमा उपचार भइरहेको तथा अवस्था खतरामुक्त रहेको अस्पताल स्रोतले जानकारी दिएको छ । 
ठक्कर दिने नम्बर नखुलेको २ वटा प्रहरी नियन्त्रणमा रहेको जनाइएको छ ।