वीरगञ्ज महानगरपालिकाले सिरीसिया नदीमा लेडोसहितको फोहर पानी निकास गरेर नदीलाई अत्यधिक प्रदूषित बनाउने तीन उद्योगहरूमाथि कडा कारवाही गरेको छ। अरनीको टेक्सटाइल, सिद्धि टेक्सटाइल, र मरियम लेदरजस्ता उद्योगहरूले वातावरणीय मापदण्डहरूको उल्लङ्घन गर्दै नदीमा सीधा फोहर पानी निकास गरेपछि महानगरपालिकाले  कडा कदम उठाएको हो।

सिरीसिया नदीमा लेडोसहितको फोहर पानी प्रवाहले नदीको पानी अत्यन्तै दूषित भई त्यसको पारिस्थितिकी प्रणालीमा गम्भीर असर परेको देखिएको छ। यसरी उद्योगहरूले नगरको वातावरण र नागरिकको स्वास्थ्यलाई ठूलो जोखिममा राखेको भन्दै वीरगञ्ज महानगरपालिकाले उद्योगहरूको गेटमा फोहोर थुपारीदिने कठोर कारवाही गरेको छ।

महानगरपालिकाका अधिकारीहरूले जनाएअनुसार, यो कारवाही उद्योगहरूलाई वातावरणीय मापदण्डहरूको पालना गर्न प्रेरित गर्ने र भविष्यमामा यस्ता क्रियाकलापहरू पुनः नदोहोरिनका लागि चेतावनीको रूपमा लिइएको छ। यस कारवाहीले वीरगञ्ज महानगरपालिकाको वातावरणीय सुधार र नागरिक स्वास्थ्यप्रति प्रतिवद्धता पुनः स्थापित गरेको छ।

अरनीको टेक्सटाइल, सिद्धि टेक्सटाइल, र मरियम लेदरजस्ता उद्योगहरूलाई यस घटना पछि आफ्नो फोहर व्यवस्थापन प्रणालीलाई सुधार गर्न निर्देशन दिइएको छ। यदी तिनीहरूले उचित मापदण्डहरूको पालना नगरेमा थप कडा कानुनी कारवाही गर्ने चेतावनी पनि महानगरपालिकाले दिएको छ।

सिरीसिया नदी प्रदूषण प्रकरणले स्थानिय नागरिकहरूमा पनि ठूलो असन्तोष फैलाएको छ। तिनीहरूले महानगरपालिकाको यस कदमको स्वागत गर्दै यसलाई थप बलियो र स्थायी समाधानका लागि मार्गप्रशस्त गराउनुपर्ने धारणा व्यक्त गरेका छन्।

वीरगञ्ज महानगरपालिकाले यस घटनाबाट सबै उद्योगहरूलाई पाठ सिक्न आग्रह गर्दै वातावरणीय जिम्मेवारी र नागरिक स्वास्थ्यप्रति संवेदनशील बन्न आह्वान गरेको छ। यस प्रकारको कठोर कारवाहीले नगरपालिकाको वातावरणीय सुरक्षा र सुधारको प्रतिवद्धतालाई अझै मजबुत बनाउने विश्वास गरिएको छ।