सशस्त्र प्रहरी बल नेपाल  सुरक्षा वेश पोखरीयाले  शनिबार १२ केजी चरेश बरामद गरेको छ । 
नायव उपरिक्षक विक्रममणि अधिकारीको कमाण्डमा खटिएको टोलिले पोखरिया नगरपालिका वडा नम्बर १ बनकटवाबाट सो चरेश बरामद गरेका हो । सशस्त्र प्रहरीले आकस्मिक चेकजाँच गर्ने क्रममा नेपालबाट भारत तर्फ जादै गरेको बिआर २२ एबि १२९३ नम्बरको मोटरसाईकलमा सवार एक भारतीय नागगरिकलाई चेकजाँच गर्दा मोटरसाईकलको डिक्की र सिट कभर मुनि राखि लुकाएर लैजादै गरेको अवस्थमा १२ केजी चरेश बरामद गरिएको प्रहरीले जनाएको छ । मोटरसाईकल सहित पक्राउ परेकालाई  आवश्यक कारवाहीको लागि ईलाका प्रहरी कार्यालय पोखरीयामा बुझाएको छ। 
यसैगरी प्रहरी सिमा सुरक्षा गुल्म भिखमपुरबाट   खटेको  टोलिले जगरनाथपुर गाँउपालिका  वडा नम्बर २  दसौता बोर्डर ईलाकाबाट  गाँजा सहित दुई जनालाई पक्राउ गरको छ । नियमित चेकजाँच गर्ने क्रममा नेपालबाट भारत तर्फ जाँदै गरेको बिआर २२ बि जे३८९५ नम्बरको मोटरसाईकलमा सवार २ जना भारतिय नागरिकहरुलाई चेकजाँच गर्दा निजको झोलामा ४ किलो प्रतिवन्धित लागु औषध गाँजा भेटिएकोले निजहरुलाई मोटरसाईकल सहित नियन्त्रणमा लिई आवश्यक कार्वाहीको लागि ईलाका प्रहरी कार्यालय पोखरीयामा बुझाएको सशस्त्र प्रहरीका प्रवक्ता देवेन्द्र सिंहले जानकारी दिए ।