सशस्त्र प्रहरी बल पर्साले स्रोत नखुलेको रकमसहित दुई जनलाई पक्राउ गरेको छ । वीरगञ्ज महानगरको ड्रइपोर्टबाट सशस्त्र प्रहरीको टोलीले स्रोत नखुलेको १२ लाख ५० हजार नगदसहित उनीहरुलाई पक्राउ गरेको हो ।

पक्राउ पर्नेहरुमा बारा प्रसौनी गाउँपालिका ५ निवासी विकास कुमार र भारत विहार रक्सौल बस्ने श्याम कुमार महतो रहेको सशस्त्र प्रहरी बल पर्साले जनाएको छ । महानगरपालिका वडा नं। २५ सिर्सिया स्थित नेपाल–भारत नाकाबाट जाँचका क्रममा दुबै जनालाई पक्राउ गरिएको ड्राइपोर्ट सशस्त्र प्रहरीको बेस क्याम्पका प्रहरी निरीक्षक विपिन खनालले बताए ।पक्राउ परेका दुबै जनालाई आवश्यक कारवाहीकोलागि बीरगंज भन्सार कार्यालय चलान गरेको सशस्त्र प्रहरी बल पर्साले जनाएको छ । वीरगञ्ज महानगरको ड्रइपोर्टबाट सशस्त्र प्रहरीको टोलीले स्रोत नखुलेको १२ लाख ५० हजार नगदसहित उनीहरुलाई पक्राउ गरेको हो ।

सशस्त्र प्रहरीले विकास चढेको ना ३५ प ६७१६ र विकास सवार बीआर ०५ एए ०९०६ नम्बरको मोटरसाइकलसमेत बरामद गरेको जानकारी दिएको छ । बरामद मोटरसाइकलसहित पैसा थप कारबाहीका लागि बीरगन्ज भन्सार कार्यालयमा बुझाइएको सशस्त्र प्रहरीले जनायो ।