पछिल्लो समय पर्सा जिल्लामा नेपाली नागरिकता परित्याग गर्नेहरूको संख्या उल्लेखनीय रूपमा बढ्दै गएको छ। आर्थिक वर्ष २०८०र८१ मा नागरिकता परित्याग गर्नेहरूको संख्या विगत तीन वर्षहरूमध्ये सबैभन्दा बढी रहेको जिल्ला प्रशासन कार्यालय, पर्साले जानकारी दिएको छ।

यस आर्थिक वर्षमा पर्सा जिल्लाबाट १९ जनाले नेपाली नागरिकता परित्याग गरेका छन्। अघिल्लो आर्थिक वर्ष २०७९र८० मा मात्र ६ जनाले नागरिकता परित्याग गरेका थिए। यसबाट देखिन्छ कि गत आर्थिक वर्षको तुलनामा तीन गुणाभन्दा बढी मानिसहरूले पर्साबाट लिएको नेपाली नागरिकता परित्याग गरेका छन्। आर्थिक वर्ष २०७८र७९ मा भने १२ जनाले पर्साबाट नेपाली नागरिकता परित्याग गरेको तथ्याङ्कमा उल्लेख गरिएको छ।

जिल्ला प्रशासन कार्यालयका अनुसार, बिदेशमा गएर काम गर्ने तथा अर्थ उपार्जन गर्ने व्यक्तिहरूले नागरिकता परित्याग गर्ने गरेका छन्। एक अधिकृतका अनुसार, ूनराम्रा भन्दा पनि राम्रा मानिसहरूले नागरिकता परित्याग गर्छन्।ू साथै, राष्ट्रिय परिचय पत्रमा बायोमेट्रिक प्रणालीको आगमनले गर्दा दोहोरो नागरिकता लिनेहरूलाई समातिने डरले पनि नागरिकता परित्याग गर्नेहरूको संख्या बढेको बताइएको छ।
त्यस्तै, गत आर्थिक वर्ष २०८०र८१ मा पर्सा जिल्लाबाट १७ हजार ६२९ जनाले नयाँ नेपाली नागरिकता लिएका छन्। त्यस्तै, १३ हजार ३४२ जनाले नेपाली नागरिकताको प्रतिलिपी पाएका छन्। अघिल्लो आर्थिक वर्षमा १६ हजार २५८ जनाले नयाँ नागरिकता लिएका थिए भने १३ हजार ६१२ जनाले प्रतिलिपी नागरिकता प्राप्त गरेका थिए।

यसरी, पर्सामा नागरिकता परित्याग र नयाँ नागरिकता लिनेहरूको संख्या दुबैमा वृद्धि देखिएको छ।