भदौ१२,वीरगञ्ज । मध्य नेपाल पत्रिकाको आठौं वार्षिक उत्सवको अवसरमा आयोजित कार्यक्रममा महिला पत्रकार निलिमा पौडेल पुरस्कृत भएकी छिन्। पत्रकार पौडेल विगत १६ बर्षदेखि रेडियो वीरगञ्जमा आबद्ध रही आफ्नो पेशामा निरन्तर लागि पर्दै आइरहकी छन् ।
पौडेललाई “मध्य नेपाल सक्रिय पत्रकार महिला पुरस्कार“ बाट सम्मान गरिएको हो, जुन मध्य नेपाल पत्रिकाले हरेक वर्ष प्रदान गर्दै आएको छ।
समारोहका प्रमुख अतिथि वीरगञ्ज महानगरपालिकाका मेयर राजेशमान सिंहले पौडेललाई प्रमाणपत्र र नगद ११ हजार १ सय १ रुपैयाँको पुरस्कार प्रदान गरे। योभन्दा अगाडी यो पुरस्कारबाट कान्तिपुरकर्मी महोत्तरीकी पत्रकार महिला सुनिता बराल, बाराकी पत्रकार महिला रातो पार्टीकर्मी शारदा पोख्रेल सम्मानित भइसकेका छन् । 
कार्यक्रम वीरगञ्जको क्लासिक वाकमा आयोजित भएको थियो, जसको अध्यक्षता मध्य नेपाल प्रा.लि. का सञ्चालक तथा मध्य नेपाल पत्रिकाका सम्पादक कविता खड्काले गरेकी थिइन्। कार्यक्रममा वीरगञ्ज क्षेत्रका अगुवा तथा प्रतिनिधिहरुको सहभागिता रहेको थियो।