आज बिहान सिमराबाट काठमाण्डौका लागि उडेको बुद्ध एयरको जहाज मौसम प्रतिकूलताका कारण जनकपुर विमानस्थलमा अवतरण गरिएको छ। बिहान ७स्४५ बजे उडान भर्ने तय भएको उक्त जहाजले ८ बजे उडान गरेको थियो।

उडानको क्रममा काठमाण्डौ विमानस्थलमा अवतरण गर्न मौसमले अनुकूलता नदेखाएपछि विमानलाई जनकपुरमा आकस्मिक अवतरण गराइएको हो। सिमरा विमानस्थलका कर्मचारीले जनकपुरबाट पुनः काठमाण्डौका लागि जहाज उडान हुने तयारी भइरहेको जानकारी दिएका छन्।

विमानस्थलका कर्मचारीका अनुसार यस्तो घटना कहिलेकाहीं भइरहने भए पनि कुनै किसिमको खतरा भने नभएको स्पष्ट पारेका छन्। यात्रुहरूले यात्रा पुनः सुचारु हुने प्रतीक्षामा रहेको बुझिएको छ।