जिल्ला प्रहरी कार्यालय पर्साले करिब ९५ लाख बराबरको कपडासहित दुई वटा ट्रक नियन्त्रणमा लिएको छ ।

वीरगञ्ज महानगरपालिका वडा नम्बर २५ चण्डालचोकबाट प्रहरीले ट्रक नियन्त्रणमा लिएको हो । वीरगञ्जबाट काठमाण्डौतर्फ जाँदै गरेको अवस्थामा ग १ ख ६७५५ र ना।४ ख १९९३ नम्बरको मालबाहक ट्रक नियन्त्रणमा लिएको पर्साका प्रवक्ता प्रहरी नायब उपरीक्षक सुबास भट्टले जानकारी दिए ।

उनकाअनुसार नियन्त्रीत दुबै ट्रकबाट विलविजक भन्दा बढीका कपडाहरु बरामद गरिएको छ । बरामद गरिएको ९४ लाख ९१ हजार ९७४ रुपैइाँ बराबरको कपडालाई आवश्यक कारवाहीका लागि ट्रकसहित राजस्व अनुसन्धान कार्यालय पथलैया बारामा बुझाइएको प्रहरी नायब उपरीक्षक भट्टले बताए ।