जिल्ला ट्राफिक प्रहरी कार्यालय पर्सामा प्रहरी निरीक्षक लोकराज भट्ट आउने भएका छन् । सुदूरपश्चिम प्रदेश प्रहरी कार्यालय प्रबन्ध शाखा धनगढी कैलालीबाट भट्ट जिल्ला ट्राफिक प्रहरी कार्यालय पर्साको प्रमुख भएर आउन लागेका हुन् ।
पर्सामा हाल कार्यरत प्रमुख प्रहरी निरीक्षक भास्कर खतिवडा सरुवा भएका छन् । उनी मानव बेचबिखन अनुसन्धान ब्युरो पिलर ४ टर्की, अफ्रिका र अन्यमा सरुवा भएर जान लागेका हुन् ।
देशैभरका ५ सय ८७ प्रहरी निरीक्षक इन्स्पेक्टर को एकसाथ सरुवा गर्दा पर्साका प्रहरी निरीक्षकहरु पनि सरुवा भएका हुन् ।
प्रहरी महानिरीक्षक वसन्तबहादुर कुँवरले भदौ १७ गते गरेको निर्णयअनुसार एकै पटक नेपाल प्रहरीका ५८७ जना प्रहरी निरीक्षकको सरुवा गरिएको हो ।
वडा प्रहरी कार्यालय बिर्ताका प्रमुख प्रहरी निरीक्षक पुष्कर बोगटीको नेपाल प्रहरी प्रधान कार्यालय प्रशासन विभाग, बजेट शाखा नक्साल काठमाडौँमा सरुवा भएको छ । उनको ठाउँमा जिल्ला प्रहरी परिसर काठमाडौँ अपराध नियन्त्रण तथा अनुसन्धान शाखाबाट नीरोज चौलागाईं आउने भएका छन् ।
-1732621610.jpg)
