बाराको परवानीपुर गाउँपालिका वडा नं ४ चैनपुरमा रहेको नेपाल जेन क्योकुशिन कराते संघका खेलाडीहरूलाई आज प्रमाणपत्र प्रदान गरिएको छ । संघका अध्यक्ष तथा कार्यक्रमका प्रमुख अतिथी सञ्जु साहले खेलाडीहरूलाई प्रमाणपत्र वितरण गरेका थिए । स्वास्थ्यको लागि खेलकुद राष्टको लागि खेलकुदु भन्ने नाराको साथ सो कार्यक्रम सम्पन्न भएको हो । विगत लामो समयदेखि प्रशिक्षक भिखारी साहले खेलाडीहरूलाई प्रशिक्षण दिँदै आएका छन । 

कार्यक्रमका प्रमुख अतिथी सञ्जु साहले खेलाडीहरूलाई अगामी भबिस्यमा राम्रै खेलको प्रदर्शन गर्न शुभकामना दिएका थिए । उनले सुखी जीवन र शान्त बातारणमा बाच्न्को लागि स्वस्थ हुन जरुरी रहेको बताए । साथै खेलकुदले मानिसलाई अनुशासित र देश विदेशमा समेत आफ्नो नाम प्रख्यात गर्न ठूलो अवसर प्रदान गर्ने हुनाले खेलकुद प्रति बढी ध्यान दिनु आग्रह गरे ।  प्रमाणपत्र वितरण कार्यक्रम श्याम प्रसाद साहको अध्यक्षतामा सम्पन्न भएको थियो ।