पर्सा जिल्लाका १४ मध्ये केवल चार पालिकाको मात्र बजेट निकासा भएको छ, बाँकी १० पालिकाको खाता अझै सञ्चालनमा आउन सकेको छैन। कोष तथा लेखा नियन्त्रक कार्यालय, पर्साका अनुसार वीरगञ्ज महानगरपालिका, पोखरिया नगरपालिका, पटेर्वासुगौली गाउँपालिका, र सखुवाप्रसौनी गाउँपालिकाको खाता सञ्चालनमा आएको छ।

कोष तथा लेखा नियन्त्रक कार्यालय, पर्साका मनीष गौतमले भदौ २३ गतेसम्म केवल सखुवाप्रसौनी गाउँपालिकाको बजेट निकासा भएको बताए। अहिले वीरगञ्ज महानगरपालिका, पोखरिया र पटेर्वासुगौली गाउँपालिकाको खाता सञ्चालनमा आएको जानकारी दिए।

पर्साका १० पालिकाले अहिलेसम्म नगर वा गाउँ सभा सम्पन्न गरेको विवरण अद्यावधिक नगरेका कारण बजेट निकासा रोकिएको हो। मन्त्रालयले पालिकाको सभा सम्पन्न भएको विवरण प्राप्त भएपछि मात्र खाता सञ्चालनको अनुमति दिने गर्दछ।

*सभा सम्पन्न नगरेको कारण बजेट रोक्का*
असार ९ र १० गते पर्साका केही पालिकाले नगर र गाउँ सभा सम्पन्न गरे पनि हालसम्म १३ पालिकामध्ये चारवटाको मात्र बजेट निकासा भएको छ। सभा सम्पन्न गरेका पालिकाले वडास्तरीय र नगरस्तरीय योजनाहरूको विवरण मन्त्रालयमा नपठाउँदा बजेट निकासा प्रक्रियामा ढिलाइ भएको हो।

गौतमका अनुसार वीरगञ्ज महानगरपालिका, पोखरिया नगरपालिका, र पटेर्वासुगौली गाउँपालिकाले हालै प्रक्रिया पूरा गरी खाताको सञ्चालन अनुमति प्राप्त गरेका छन्।

*अझै बाँकी पालिकाको स्थिति*
बहुदरमाई नगरपालिका बाहेक अन्य १० पालिकाले अझै पनि नगर वा गाउँ सभा सम्पन्न गरेको जानकारी मन्त्रालयमा अद्यावधिक नगरेकाले उनीहरूको बजेट निकासा रोकिएको छ।

सरकारले त्रैमासिकरूपमा अनुदान सहयोग उपलब्ध गराउँदै आएको भए पनि पालिकाले प्रक्रिया पूरा नगर्दा बजेट निकासा रोकिएको हो।