बाराबाट प्रहरीले एक लाख मूल्यका भन्सार छलीका लत्ताकपडा बरामद गरेको छ । प्रहरीले विशेष सूचनाको आधारमा एक लाख २६ हजार ५ सय मूल्य बराबरका भन्सार छलीका लत्ताकपडा बरामद गरेको हो ।

ईलाका प्रहरी कार्यालय अमलेखगंजबाट खटिएको टोलीले जीतपुरसिमरा उपमहानगरपालिका वडा नम्बर २१ अमलेखगंज चोक एरियाबाट लत्ताकपडाहरु नियन्त्रणमा लिएको प्रहरी नायब उपरीक्षक प्रकाश सापकोटाले जनाए ।

उनका अनुसार पथलैयाबाट काठमाण्डौतर्फ जादै गरेको ग २ ख ५८६ नम्बरको बसबाट उक्त मूल्य बराबरका कपडाहरु बरामद भएको हो । बसलाई रोकेर जाँच गर्दा बिल बिजकभन्दा बढीका लेडिज टप सर्ट र पपकन सर्टहरु फेला पारेकोले नियन्त्रणमा लिएको प्रहरीले जानकारी दिएको छ ।

बरामद लत्ताकपडामाथि आवश्यक कानुनी प्रक्रिया अघि बढाइएको जिल्ला प्रहरी कार्यालय बाराले जनाएको छ ।