बाराको फेटा गाउँपालिकामा सोमबार गाउँप्रहरीलाई प्रमाणपत्र वितरण गरिएको छ । प्रमाणपत्र पाइसकेपछि आजदेखि गाउँप्रहरीहरु विधिवत रूपमा गाउँपालिकाको शान्ति सुरक्षामा खटेका छन् ।

गाउँप्रहरीको तालिम प्राप्त गरेर र्फकिसकेपछी आज गाउँपालिकामा उनीहरूलाई गाउँपालिका अध्यक्ष रुस्तम अन्सारीले टीकालगाई प्रमाणपत्र वितरण गरेका छन ।

साथै मेयर अन्सारीले गाउँप्रहरीको जिम्मेवारी इमान्दारिताको साथ निभाउन र आमजन्ताको सेवा गर्न निर्देशन दिनुभयो । साथै मेयर अंसारीले गाउँपालिकाको शान्ति सुरक्षामा खटन निर्देशन दिए । सो अवसरमा गाउँपालिका प्रमुख प्रशासकीय अधिकृत गौरिशंकर कुमार सिंह, गाउँपालिका कर्मचारी लगायत नेता कार्यकर्ताहरुको उपस्थिति रहेको थियो ।