काठमाडौँ, ३ कार्तिक । सुन र चाँदीको मूल्य आज सामान्य घटेको छ ।

बुधबार प्रतितोला ९३ हजार २ सय रुपैयाँमा कारोबार भएको छापावाला सुन आज प्रतितोला १ सय रुपैयाँले घटेर ९३ हजार १ सयमा कारोवार भइरहेको छ । 

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला ९२ हजार ६ सय रुपैयाँ तोकिएको छ । बुधबार तेजाबी सुन प्रतितोला ९२ हजार सात सय रुपैयाँ तोकिएको थियो ।
 
त्यस्तै आज चाँदीको मूल्य प्रतितोला पाँच रुपैयाँले घटेर १ हजार एक सय ७० रुपैयाँ तोकिएको महासङ्घले जनाएको छ ।