सुनसरी प्रहरीद्वारा साढे ३ क्विन्टल गाँजा बरामद
सुनसरी प्रहरीले तीन क्विन्टलभन्दा बढी अवैध लागुऔषध गाँजा बरामद गरेको छ। प्रहरीका अनुसार कोशी गाउँपालिका वडा नम्बर ७ हरिपुरबाट पूर्वबाट पश्चिमतर्फ जाँदै गरेको प्रदेश १–०२–००२ ख ०४११४ नम्बरको ट्रकमा लुकाइएको अवस्थामा ३ क्विन्टल ४० केजी गाँजा फेला परेको हो।
इलाका प्रहरी कार्यालय भण्टाबारी र अस्थायी प्रहरी पोस्ट हरिपुरबाट खटिएको टोलीले ट्रकलाई रोक्ने प्रयास गर्दा चालक फरार भएपछि थप शंका उत्पन्न भएको थियो। प्रहरीले ट्रकको तलासी गर्दा माथिल्लो भागको छतमा बनाइएको फल्स बटम भित्र १९ वटा बोरामा गाँजा लुकाइएको अवस्थामा बरामद भएको सुनसरी प्रहरीले जनाएको छ।
बरामद भएको गाँजाबारे प्रहरीले आवश्यक अनुसन्धान अगाडि बढाइरहेको छ।
प्रकाशित मिति: आइतबार, कात्तिक १८, २०८१ १६:००
प्रतिक्रिया दिनुहोस्
थप समाचार
साताको लोकप्रीय
