लालबाबु सिंह २० कार्तिक वीरगन्ज । छठपर्वको अवसरमा जेलचौक वीरगन्ज -४ मा अवस्थित राजु चिया पार्टी समुहले मंगलबार छठव्रतिहरुलाइ छठको सामाग्री सहयोग गरेका छन । प्रत्येक वर्ष झै छठपुजा गर्ने बिपन्न दलित व्रतिहरुलाइ यसवर्ष पनि चिया पार्टीले सहयोग गरेको हो ।
  सो सहयोग सामाग्रीमा छठप्पुजामा लाग्ने ४२ थान बासको दउरा ( छैटी) मा प्रत्येक दउरामा साडी , नरिवल ,बताशा ,अगरबत्ती,१ लिटर खानेतेल,स्याउ १ किलो,दूध १ लिटर,चिनी १ किलो ,हरियो अदुवा लगायतका पुजा सामाग्रीहरु रहेको ग्रुपका राजु चिया पसलका संचालक राजु साह तुराहाले बताउनु भयो । 
 सो निशुल्क छठपुजा सामाग्री वितरणमा राजु साह तुराहा, रामाअषिश यादव, अनिल सिंह (झुन्नु ),तारकेश्वर चौधरी,जावेद अख्तर,हृदेश साह,बबलु कुमार मोन्डियाल लगायत चिया पार्टी ग्रुपका समाजसेवी युवाहरुले आपसमा रकम जम्मा गरि सहयोग गर्ने गरेको अनिल सिंहले बताए ।