वीरगन्जको पावर हाउस चोकमा ट्रक र मोटरसाईकल दुर्घटनामा एकजना घाईते भएका छन् । वीरगन्जबाट ड्राईपोर्टतर्फ गईरहेको ना ५ ख ३५७२ नम्बरको ट्रकमा ना ५१ प ४९२३ नम्बरको मोटरसाईकल ठोक्किएर दुर्घटना हुँदा एकजना घाईते भएको हो ।

घाईतेको नाम ठेगाना भने खुल्न सकेको छैन । ड्राईपोर्टतर्फ गईरहेको ट्रकको मुनी मोटरसाईकल छिर्दा मोटरसाईकल चालक घाईते भएका प्रत्यक्षदर्शीले बताएका छन् । घाईतेलाई उपचारको लागि नारायणी अस्पतालमा लगिएको छ ।
दुर्घटनापछि ट्रक चालकलाई स्थानीयले नियन्त्रणमा लिएर प्रहरीलाई बुझाएको छ । दुर्घटनाको पूरा विवरण भने अहिले आउन बाँकी रहेको छ । दुर्घटना बारेमा अनुसन्धान भईरहेको जिल्ला ट्राफिक प्रहरी कार्यालय पर्साका प्रमुख प्रहरी निरीक्षक लोकराज भट्टले जानकारी दिए ।