वीरगञ्जबाट पोखरा जाँदै गरेको यात्रुवाहक बस दुर्घटना, १७ जना घाइते
वीरगञ्ज । वीरगञ्जबाट पोखरा जाँदै गरेको यात्रुवाहक बस मकवानपुरको चुरीयामाई मन्दिर नजिक दुर्घटना हुँदा १७ जना घाइते भएका छन् ।
पूर्वपश्चिम लोक मार्ग अन्तर्गत मकवानपुरको हेटौँडा उपमहानगरपालिकामा पर्ने चुरीयामाई मन्दिर नजिकै ग २ ख १६२१ नम्बरको बस शुक्रवार बिहान ९ बजेर २० मिनेट जाँदा ब्रेक फेल भई सडक छेउ खोलाको डिलमा पल्टिएको हो ।
दुर्घटनामा घाइते भएकोमा मध्ये अधिकांशको अवस्था सामान्य रहेको रहेको जिल्ला ट्राफिक प्रहरी कार्यालय मकवानपुरले जनाएको छ । घाइतेहरूको हेटौँडाका विभिन्न अस्पतालमा उपचार भइरहेको छ ।
दुर्घटनामा परेको बसका चालकलाई प्रहरीले नियन्त्रणमा लिएको जिल्ला प्रहरी कार्यालय मकवानपुरले जनाएको छ ।
प्रकाशित मिति: शुक्रबार, मंसिर ७, २०८१ १३:३६
प्रतिक्रिया दिनुहोस्
थप समाचार
साताको लोकप्रीय
