वीरगञ्ज भन्सार कार्यालयमा रहेको सशस्त्र प्रहरी बल प्रस्तावित सीमा सुरक्षा गुल्मका प्रमुख सशस्त्र प्रहरी नायब उपरीक्षक सुरज रिजालको सरुवा भएको छ । 
उनको धनुषा महिनाथपुरस्थित सशस्त्र प्रहरी बल प्रस्तावित सीमा सुरक्षा गुल्ममा सरुवा भएको हो ।

रिजालको स्थानमा अब वीरगञ्ज भन्सार कार्यालयको सशस्त्र प्रहरी बल प्रस्तावित सीमा सुरक्षा गुल्ममा सशस्त्र प्रहरी नायब उपरीक्षक लोकेन्द्र सुब्बा आउने भएका छन् ।
सशस्त्र प्रहरी बल प्रधान कार्यालय हलचोक काठमाडौँले बिहीबार रिजालसहित तीन जन सशस्त्र प्रहरी नायब उपरीक्षक डिएसपीहरूको सरुवा गरेको हो । 

सो अनुसार वीरगञ्ज भन्सारका सशस्त्र प्रहरी नायब उपरीक्षक रिजालको धनुषमा सरुवा भएको भने सुनसरीको पकलीस्थित सशस्त्र प्रहरी बल नम्बर ३७ गण हेड क्वार्टरमा कार्यरत सशस्त्र प्रहरी नायब उपरीक्षक सुब्बालाई वीरगञ्ज भन्सार कार्यालयमा सरुवा गरिएको हो ।